Category: Argiewe

In die strate van Boksburg word daar al vir ‘n geruime tyd gefluister oor ‘n band wat Afrikaanse musiek op sy kop gaan draai. Stadig het die klank van elektriese kitare begin weergalm en die nuus het versprei. Nou met die bekendstelling van hulle kortspeler wat hul liedjies, Dis Ok en Jy Moet Net Jouself Wees insluit is dit g’n wonder dat almal Bloumoord skreeu nie.

Agter sy John Lennon sonbrille en lang krul hare glimlag Bloumoord Voorsanger Tiaan Enslin, want hy is salig onbewus daarvan dat hy en sy jonger broers, Martin en Trevor wat saam met hom in die band speel, besig is om iets te doen wat baie spesiaal is. ‘’Musiek is seker die eerste ding wat ek gehoor het,’’ vertel Tiaan. ‘‘Ons het in ‘n huis groot geword, waar my pa vir ons musiek gespeel het as ons gaan slaap het en hy het vir ons musiek gespeel as ons wakker word. Dit is in ons DNA gedruk.’’

Tiaan se Oupa het ook ‘n groot invloed op hulle musiek gehad. ‘’My Oupa het so ou Ford Zephyr gery en hy het altyd Dire Straits en Midnight Oil geluister en toe ek die eerste keer Money For Nothing se guitar intro hoor toe freak ek uit.’’

Tiaan het nie beplan om ‘n kreatiewe loopbaan te volg nie. Dit het soortvan in sy skoot geland. ‘’Ek het gedink ek moet ‘n goeie werk kry en seker maak dat ek geld het en ek het toe in ‘n bank se belsentrum gaan werk waar ek mense se rekeninge oop en toe gemaak het en probeer krediet kaarte verkoop het,’’ lag Tiaan. Op ‘n dag tydens middagete het sy lewe heeltemal verander.

‘’Ek het buite ons gebou gesit en ‘n sigaret gerook en ek het gekyk hoe ‘n film span besig was om ‘n advertensie te skiet. Die volgende oomblik het ‘n vrou op my skouer getik en gevra hoekom ek nie aangetrek is nie.’’ Hy het vir haar gelag en gesê. ‘’Ek dink ek is aangetrek.’’ Tiaan het vir haar verduidelik dat hy eintlik in die bank werk. Hulle het oor die misverstand gelag en sy het net daar en dan vir hom ‘n model kontrak aangebied.’’

Kort voor lank het hy in verskeie advertensie veldtogte verskyn en hy was self te sien op ‘n groot reklame bord vir Vodacom langs die N1 snelweg. Tiaan het later in produksie begin belangstel. Tydens verfilming van ‘n advertensie het hy ‘n kuns regisseur genaamd Wayne Smith ontmoet. Wayne het hom onder sy vlerk geneem en Tiaan het begin deur rekwesiete te maak en stilering te doen vir advertensies.

In tussen het Tiaan en sy broers begin musiek maak in sy familie se motorhuis. ‘’My Boetie Martin speel al Tromme nog voor hy ooit ‘n tromstel in regte lewe gesien het. Hy het vir hom self ‘n stel stokke by Warmbad se CNA gekoop en op mure en banke gespeel.’’ Het Tiaan gedeel. ‘’Toe ons uiteindelik vir hom ‘n stel in die hande kry het hy uitgefreak,’’ vertel hy verder. Vir sy broer Trevor het Tiaan ‘n bass-kitaar by Cash Crusaders gekoop en vir hom aangesê om te leer speel. ‘’Skielik was ons ‘n band. Ons het covers begin speel in die garage en toe besluit ons, ons gaan dit doen. Daar is net nie ‘n ander manier nie ons gaan musiek maak.’’

‘’Ons wou nie soos iemand anders klink nie. Ons is almal groot fans van bands soos Fokofpolisiekar en Die Heuwels Fantasties, maar ons wou nie nog ‘n band wees wat hulle klank emuleer nie,’’ het Tiaan vertel. Die broers het stadig hulle eie klank begin ontwikkel, maar het toe nog nie ‘n naam gehad nie. ‘’ Ons het eendag gesit en ‘n dokumentêr oor Johannes Kerkorrel gekyk. Iemand het vertel hoe hulle na sy dood Bloumoord geskreeu het en ek en my broers het vir mekaar gekyk en besef dat ons band se naam pas in ons skote geval het,’’ onthou Tiaan.

Die boykies van Boksburg lyk dalk soos ‘n rowwe klomp rockers en Bloumoord het dalk ‘n duidelike rock klank, maar die boodskap wat hulle deur hul musiek wil oordra is ‘n positiewe een. ‘’Dis Ok het ek tydens lockdown geskryf toe ek en my meisie alleen gesit het in ‘n een slaapkamer woonstel,’’ het Tiaan oor die song verduidelik. ‘’Ons was baie verveeld en gatvol om vir dieselfde vier mure te sit en staar en ek het met baie van ons vriende gesels wat mense verloor het. Dit was ‘n weird tyd en ek wou net ‘n liedjie skryf wat vir almal sê dat dinge ok gaan wees. Ek het nie probeer om enige slim lirieke uit te dink nie. Die boodskap was duidelik. Die enigste manier hoe jy jouself uit ‘n moeilike situasue kan kry is om jouself op te lig,’’ het hy uitgebrei.

Jy Moet Net Jouself Wees se inspirasie het heel toevallig gekom. ‘’Ek het ‘n Halloween party bygewoon en ek het soos ‘n hippie aangetrek. Een van my vriende het vir my gesê ek kan elke dag so aantrek en ek het vir hom gesê: Jy moet net jouself wees,’’ lag Tiaan. Die volgende oggend het Tiaan wakker geskrik en deuntjie het in my kop vasgesit. Beide liedjies is by B-sharp Studios in Boksburg opgeneem.

Deur Tiaan se kontakte in die advertensie bedryf het hulle energieke musiekvideo vir Jy Moet Net Jouself Wees verfilm.

KYK DIE VIDEO HIER:

Bloumoord is besig om hard te werk aan nuwe musiek en het ook twee nuwe lede in die band verwelkom. Hulle spog nou met Pedré Lamprecht op die elektriese-kitaar en Renier Hattingh op ritmiese-kitaar. ‘’Ons is baie opgewonde oor waarheen ons klank beweeg. My broers was op Hoërskool toe ons saam begin musiek maak het en nou is hulle jong mans. Ons musiek is besig om saam met ons te groei en ons kan nie wag om vir almal te wys wat volgende is,’’ het Tiaan afgesluit.

Bloummoord is besig om produksie van hulle nuwe musiek af te handel wat na verwagtinge later vanjaar vrygestel sal word.

Dis Ok en Jy Moet Net Jouself Wees is nou beskikbaar op alle digitale platforms.

Facebook Instagram Youtube

Herman Kleinhans is ‘n uiters talentvolle musikant, lid van die groep TWEE en het verseker almal se aandag op hom gevestig toe hy die Afri-Visie se liedjieskryfkompetisie ‘n paar jaar gelede gewen het.  Met sy nuutste solo-album, RUITE OOP, wat onlangs vrygestel is, het hy omtrent die lig ingelaat en die eerste enkelsnit wat vanaf hierdie album uitreik is, Vliegtuig, pronk steeds op radiostasies se trefferparades landswyd.

Nou volg die uitreiking van die tweede enkelsnit, DANKIE, wat hy tydens die grendeltydperk geskryf het. “DANKIE is ‘n liedjie wat ek tydens die grendeltydperk vir Moedersdag vir my Ma geskryf het. Die liedjie was sommer in die kamer opgeneem, maar die reaksie was so oorweldigend, dat ek dit hierdie jaar ordentlik wou doen met ‘n professionele opname, maar die konsep bly dieselfde,”vertel Herman.

Die  musiekvideo vir hierdie pragtige lied, vervaardig deur Wian van der Walt van Vonk Musiek, sal ook eersdaags bekendgestel word.  Hou gerus Maroela Media se blad om 11h00 op 30 April dop vir hierdie spesiale bekendstelling.

Herman is ook ongelooflik trots op die feit dat sy album saam met sy eie toepassing, ShareTime, uitgereik was. Die doel hiervan is om ’n platform te skep wat dit vir mense maklik maak om mekaar te help met hulle tyd en hy glo dat dit regtig ’n verskil kan maak.  

Herman wat in Sunland in die Oos-Kaap gebore is se liefde vir sing is reeds op ’n jong ouderdom gebore en is geïnspireer deur sy pa, wat altyd kitaar gespeel en gesing het wanneer vriende kom braai het.

Hy hou hy homself besig met die ontwikkeling en bemarking van sy nuwe toep, asook sy twee ander besighede, TWEE Vellies en TWEE Plakkers, wat hy en Maryke, aan wie hy onlangs verloof geraak het, saam bestuur wanneer hy nie toer en die land vol konserte hou nie.

DANKIE is op Herman se album, RUITE OOP hier beskikbaar: : 

https://www.youtube.com/watch?v=4ew3fGXa_rU Facebook Instagram Youtube Tiktok

PUBLISITEIT & BEMARKING

Starburst Promosies

Gizela Arndt

Sel: 083 399 6869

E-pos: gizela@starburstmusic.co.za

Webblad: www.starburstmusic.co.za

 

 

Hoe moeiliker dit gaan met die land en die feit dat ons meer in donker gehul is as lig, keer dit nie die Kitaarkêrels om Jolyt te hou nie. Ja, hulle lig sommer die gemoed uit staanspoor met SHARKY TOWN SKOFFEL; die eerste snit op hul splinternuwe album, 3 Ghitaar Jolyt.

Hennie de Bruyn het homself deur die jare oor en oor bewys hy is ‘n kêrel wat ‘n kitaar kan slaan en sáám is die driemanskap pure jolyt as hul die kitare nader trek. Hennie de Bruyn het die kuns vervolmaak om musiek te maak wat nie net lekkerluister is nie, maar ook lekker-dans-musiek is. Met vinnige vingers TIPPI TIN hulle oor die snare, maak ‘n LANGPAD KWELA kort en met FANIE EN PENNY SE SETEES is dit net een pad, KOM LAAT ONS DANS. Ja, als treffers van hul nuwe album. Daar’s iets vir die NOOINTJIE VAN MY HART en selfs ‘n TAMMALETJIE of twee. Terwyl SPOORNET SETEES waarmee hul die album afsluit, amper nostalgies is met die trein se shant en die spore wat agter lê soos die brug van ‘n kitaar wat neergelê word. Amper spyt die album is ‘verby’…

Hennie was al die jare ‘n ambagsman, maar het reeds op die ouderdom van tien jaar geleer hoe om die kitaar te bemeester. Vandag is Hennie ‘n huishoudelike naam met al meer as 23 albums op die rak, DVD’s, SATMA-, SAMA en GHOEMA-toekennings om maar ‘n paar hoogtepunte te noem.

Hennie de Bruyn en sy kêrels is ‘n moet vir jou volgende funksie of fees. Skuif weg die tafels, want die Kitaarkêrels met hul warm vingers gaan die voete vas aan die vloer hou.

Bel vir Dottie by 082 952 2014 of vir Hennie by 072 505 1909 of stuur ‘n e-pos aan hennie.kitaarkerels@gmail.com vir jou volgende funksie.

Hennie die Bruyn en die Kitaarkêrels wyk nie af van hul suksesresep en gaan weereens nie teleurstel met 3 Ghitaar Jolyt nie. Maak jou reg vir nog jare se JOLYT met hierdie driemanskap op hul Ghitare!

 

Youtube

Sanger Herman Kleinhans is bekend vir drie dinge; Sy baard, die onmiskenbare timbre van sy bariton stem en sy vermoë om liedjies te skryf wat vreemdelinge plotslings verlief laat raak. Herman het in 2020 sy album getiteld Ruite Oop vrygestel en nou is hy terug met ‘n nuwe kortspeler getiteld EP in F.

Die nuwe kortspeler bevat vier nuwe treffers wat sal sorg vir ‘n paar warm aande voor die kaggel. Dit sluit in Jy Verdoesel My, Welkom By Die Huis, Fiela Ek Mis Jou en die opvolg liedjie op sy treffer Fok Vrou (Onthou Vrou) getiteld Fok Vrou II (Onthou Vrou II).

Herman Kleinhans wie deesdae in Patensie in Oos-Kaap woon het 29 Januarie 2022 met Maryke Steyn getrou en vertel dat die getroude lewe hom goed pas. ‘’Dis lekker en ek wens ons kon dit al lankal gedoen het,’’ vertel Herman. ‘’Dis ‘n seën en ‘n verligting om met hierdie fase van my lewe te begin. Dit is as of ‘n hoofstuk afgesluit is en ek nou met ‘n hele nuwe boek begin.’’

Herman vertel dat Maryke hom baie dinge oor liefde geleer het. ‘’Liefde is geduldig soos Maryke. Liefde is kwaai soos Maryke. Liefde is mooi soos Maryke en liefde is soms ongeduldig nes Maryke, maar dit is ‘n doelbewuste en bevredigende keuse om jou lewe met iemand te deel.’’

Herman se musiek het nog altyd grotendeels oor liefde gehandel, maar net soos wat hy ‘n nuwe fase van sy lewe begin so is daar ook nuwe dimensie in die lirieke en musiek wat hy skryf. Die Tema bly dieselfde, maar daar is ‘n nuwe begrip. ‘’Ek skryf oor die bitter, die soet, die lekker en die baklei,’’ lag hy.

Jy Verdoesel My het Herman geskryf oor verlange. ‘’Ek en Maryke het nog nie veel tyd sonder mekaar spandeer van dat ons getroud is nie en die een dag het sy besluit dat sy ‘n bietjie by haar ouers gaan kuier en sommer besluit om daar te bly sodat sy ‘n paar draaie kan ry en haar naels laat doen. Sy was net vir twee dae weg, maar ek het wragtig verlang,’’ het Herman gedeel. Hy het alleen by hul kombuis tafel gesit. Die kaggel het gebrand en hy het ‘n glasie rooiwyn gesit en drink. ‘’Soos wat ek daar gesit en verlang het, het ek ‘n deuntjie begin neurie. Ek het my kitaar opgetel en die woorde het net gekom.’’

Welkom By die Huis is ‘n liedjie wat Herman eintlik al ‘n klompie jare terug geskryf het en is in 2016 deur sanger Daniel Mitton opgeneem, maar Herman het besluit om sy eie weergawe vry te stel omdat dit nou so toepaslik op sy eie lewe is. ‘’Welkom by die huis is ‘n tipiese baklei liedjie. Daar kom tye in enige verhouding wat ‘n mens ‘n bietjie vas sit. Party argumente wen jy, party verloor jy. Ek wen selde,’’ skerts Herman.

Fok Vrou II (Onthou Vrou II) is natuurlik die opvolg van Herman se treffer Fok Vrou (Onthou Vrou). Die oorspronklikke liedjie is vandag nog ‘n gehoor gunsteling en Herman het dit geskryf vir vriendin wat ‘n bietjie van ‘n ongeluks voël was, tydens ‘n vakansie in Vietnam. ‘’So ruk terug het so ‘n fluit-deuntjie in my kop vasgesteek en dit het my herinner aan die oorspronklike liedjie en ek het besluit om ‘n nuwe weergawe te skryf. Waar Fok Vrou (Onthou Vrou handel oor sy avonture in die buiteland handel Fok Vrou II (Onthou Vrou II) oor die oor die feit dat hy en Maryke juis nie kon toer tydens die Grendel tydperk nie. ‘’Ons het ‘n vaknasie in Thailand beplan en dit kon ongelukkig nie nie gebeur nie, daarom het ek die lirieke geskryf, Eendag sal ons Thailand sien,’’ het Herman uitgebrei.

Behalwe vir nuwe musiek het Herman ook onlangs die Wys Jou sTaal proteskonsert in die Paarl teen die voorgestelde naamverandering Afrikaanse Taal Monument gereel. ‘’As ons Afrikaans ontken, ’n taal wat oor jare deur werkende mense van verskillende etniese groepe op lande en in fabrieke gevorm is, ontken ons die bereidwilligheid van toekomstige samewerking wat fataal sal wees vir die land welstand. Dus is hierdie ’n saak na aan ons hart,” het herman vertel. Ander kunstenaars wat opgetree het, het onder andere Gian Groen, Jan Blohm, Wouter van de Venter, Churchil Naudé, Bottomless Coffee Band, Tino Singe, Len Muller ingesluit.

Herman het ‘n groot passie vir Afrikaans, maar beoog ook om vorentoe  van sy liedjies in Engels te herskryf sodat hy vir ‘n groter mark musiek kan maak. ‘’Liedjies skryf is nogsteeds een van die lekkerste dinge wat daar is. Die pad wat ek gekies het is moeiliker as die van meer kommersiele musiek, maar ek doen presies wat ek wil doen,’’ vertel hy.

Herman se kalender is baie besig op die oomblik, want hy voel hulle het twee jaar se reis om in te haal en nuwe mense om te ontmoet. Hy gaan ook later vanjaar toer saam met Spoegwolf in Europa.  ‘’Om in Afrikaans te kan optree oortref jou wildste verwagtinge,’’ deel Herman ‘’In België is die taal so naby dat die mense meeste van die lirieke verstaan, maar in Frankryk gaan dit oor die gevoel en die reaksie is altyd positief.

Die toer sluit Amsterdam, Dublin en London in, daarna gaan hy en Maryke ‘n romantiese vakansie in Frankyk beplan.

Gaan luister hom op alle digitale platforms – Herman Kleinhans | Linktree

 

https://www.youtube.com/playlist?list=OLAK5uy_kAWWhVdS9KSEOZ4Wth4VZWes4k76EH9G8

Kontak :

Jessica Dylan – Jersich

0845611865 / jessica@ray-dylan.co.za

Ray Dylan is jare lank al stewig in die Suid-Afrikanse musiekbedryf gevestig. Hy glo egter sterk in vernuwing en kontinuïteit. Ray slaag altyd daarin om mense te vermaak en sy nuuste album, “Country Vibes”, is ‘n sprekende voorbeeld van sy toewyding aan sy lojale aanhangers! “Country Vibes” bestaan uit 19 liedjies, soos “Forever Young, Santa Maria, Beautiful War en Stuck on You” om slegs ‘n paar te noem – nie almal noodwendig eg “country” nie, maar met ‘n baie duidelike “country”-aanslag – soos net Ray Dylan kán!

Hy is een van die veelsydigste sangers in die bedryf! Hoewel hy tans ook ten opsigte van produksies en promosies diversifiseer, gebruik hy steeds sy geseënde stemtalent. Ray kry dit keer op keer reg om sy aanhangers met sy unieke stem en ongelooflike talent met die kitaar, elektries en ander, geïnteresseerd te hou. Hy beskik oor ‘n geweldige wye repertoire.

In sy beginjare het hy by baie verskillende “venues” opgetree. Hierdie harde werk het in goue en selfs dubbelplatinumstatus-treffers en-albums gekulmineer. Deesdae is hy bekend as een van die min kunstenaars wat verskeie genres bemeester het, insluitend “country”-liedjies. Liedjies wat geensins enige bekendstelling verg nie, is treffers soos “Hokaai Stoppie Lorrie,

Dis Verby, Jessica, Hier binne klop ‘n Boerehart, Angel-face, You’re my everything, Vir ewig jonk, Uitbasuin, Hier teen jou lyf” ensovoorts.

As dit wat deur jou are vloei nog altyd “country”-musiekbloed was, is Ray se nuwe album ‘n absolute moet-hê!

“Country Vibes” is NOU beskikbaar! Hierdie album beloof om net soveel genot soos enige van sy ander werke te verskaf.

Facebook Youtube

Juan Boucher is lankal nie meer ‘n naam wat jy nie ken nie. Hierdie goueplaat-bekroonde sanger en liedjieskrywer het homself in ons volk se harte ingesing en sy rasperstem lei die melodieë wat ‘n boer op sy plaas neurie tot die jongmense naweek na naweek vashou aan die dansvloer erens in ons land.

Hy het die musiekbedryf oorrompel met sy albums 082, Jy’s my Flavour, Gee jou hart ‘n breek, Kalm voor die storm, ens. “Om ‘n sanger te wees is nie ‘n keuse nie; dit word vir jou gegee deur genade” glo Juan. Met hierdie uitkyk op sy loopbaan skryf hy treffer na treffer en trap sy bakkie die land se paaie plat om sy goedvoel musiek na die warm harte van sy aanhangers te neem.

Hy is terug met ‘n splinternuwe album, Twaalf Rondtes, wat styf gepak is met die een oorspronklike liedjie op die ander wat nie gaan teleurstel nie. Juan weet nou al wat sy aanhangers se harte laat warm klop, en met hierdie album gee hy net meer en meer wat sy hulle vra. Met ONS HET DIT GEBOU maak Juan die album oop met sy warm praatstem wat jou dadelik laat besef hierdie man verstaan die emosie van die liefde. ‘n Liedjie wat ‘n groot treffer alreeds is, is ONS WORD EEN. WHISKY EN JY, DEEL JOU DROME MET MY, DIE SPROKIE en nog vele meer is almal liedjies wat jou weer laat glo in die liefde, die langpad gaan kort maak; jou laat nadink, maar as die meel gestrooi word, jy nie anders kan om dansbaan se ringting toe te beweeg nie! Juan Boucher het die resep vervolmaak om elke aspek van die vreugde van voluit lewe te bedien. Juis hierdie wat maak dat hy geliefd is onder oud en jonk!

Met Twaalf Rondtes bou Juan voort op sy wenresep van Pop-Rock en beloof om sy beste werk nog te wees. Weereens agter die stuur van die produksie was die befaamde Tertius Human wat teen die tyd al Juan Boucher se sinne- en akkoorde kan klaarmaak. ‘n Wenspan met ‘n wenalbum.

Een van sy snitte is, CHARL HOE LAAT GAAN JY SLAAP, maar los maar vir Charl; want met hierdie album gaan jy beslis nie vroeg in die bed kom nie!

Of dit nou Twaalf Rondtes om die dansbaan is of Twaalf Rondtes Kaap-toe-en-terug is, Juan Boucher gaan jou voete en wiele vashou waar hulle hoort!

Facebook Instagram Tiktok Youtube