Gospel kunstenaar Benice Borman is verheug om haar nuutste enkelsnit, “Sy Naam Sal Vir Ewig Staan,” aan die wêreld bekend te stel. Die lied sal beskikbaar wees op alle digitale platforms vanaf die 4de Augustus. Hierdie is die tweede enkelsnit van die jaar deur die gospelsangeres, ná haar eie weergawe van “Die Gebed” deur Koos Du Plessis. Benice beskryf haar nuwe vrystelling as volg:
“My nuutste enkelsnit is ‘n lied wat proklameer dat God se naam staan bo alle omstandighede. Die woorde van die lied is geïnspireer deur die Woord. In Jesaja 54 sê die Here vir ons dat geen wapen wat teen ons uitgerig word, sal staande bly nie. Een van my gunsteling verse is Psalm 23, wat ons vertel van ons goeie Herder, en Psalm 121 sê dat my hulp kom van die Here alleen. Al hierdie pragtige verse in die Bybel is vasgevang in hierdie lied.
Die lied is ‘n meesleurende melodie wat jou aandag dadelik vasvang, en ek glo dit sal aanklank vind by oud en jonk. Jy sal sommer vinnig die woorde kan saamsing en die dieper betekenis daarvan ervaar. Dit is ‘n lied wat ons herinner aan God se trouheid en liefde in alle omstandighede van ons lewens.”
Benice Borman se musiek het reeds ‘n groot gehoor aangegryp en dit word verwag dat “Sy Naam Sal Vir Ewig Staan” ‘n verdere hoogtepunt in haar loopbaan as kunstenaar sal wees. Sy het haar volle hart en siel in hierdie lied gestort, en dit verteenwoordig haar geloof, passie en toewyding aan haar geloof en die kunsvorm.
Benice Borman se enkelsnit “Sy Naam Sal Vir Ewig Staan” is ‘n eerbetoon aan God se onverganklike naam en sy genadevolle teenwoordigheid in ons lewens. Ons nooi almal uit om deel te wees van hierdie musikale ervaring en om die boodskap van hoop en geloof te deel met mense regoor die land.
PUBLISITEIT & BEMARKING
STARBURST PROMOTIONS
Danelle Liebenberg
Sel: 0715347796
E-pos:
danelle@starburstmusic.co.za
Webblad:
www.starburstmusic.co.za
PLATEMAATSKAPPY:
Vonk Musiek
Tel: 011 823 1771 / 011 823 1772
E-pos: francois@vonkmusiek.co.za
Webblad: www.vonkmusiek.co.za
