Author: kyra@vonkmusiek.co.za

Die veel belowende Suid-Afrikaanse kunstenaar Rhona van Niekerk maak haar debuut met haar inspirerende enkelsnit, “Leef Jou Rede”, wat op 31 Januarie 2025 vrygestel word op alle digitale platforms. Met hierdie lied, wat haar eie persoonlike reis weerspieël, nooi Rhona luisteraars uit om hul unieke reis van selfontdekking en groei te omhels.

“Leef Jou Rede” vertel die verhaal van Rhona se eie lewenspad – die struikelblokke wat sy oorkom het en die innerlike krag wat sy ontdek het om voluit te leef. “Hierdie lied is baie persoonlik,” deel Rhona. “Ek het dit geskryf met die doel om myself, maar ook ander mense, aan te moedig om hul verlede te laat gaan en elke dag met oorgawe te leef. Ons almal het ‘n rede, iets wat ons uniek maak – dit is tyd om dit te leef!”

Die temas van “Leef Jou Rede” is universeel en kragtig: moenie opgee nie, wees jouself, en moenie toelaat dat die verlede jou terughou nie. Rhona nooi haar luisteraars uit om na te dink oor hul eie sterkpunte en drome. Sy hoop dat die liedjie nie net motiveer nie, maar ook dien as ‘n wekroep vir persoonlike groei.

Rhona het die liedjie self geskryf, met elke woord wat reguit uit die hart kom. Die kreatiewe proses was nie sonder uitdagings nie, maar sy het doelbewus gewerk om ‘n ritmiese melodie en inspirerende boodskap saam te bind. Haar liefde vir Afrikaanse musiek en dans, sowel as haar betrokkenheid by vroue-konferensies, het die klank en storie van die liedjie gevorm.

“Ek glo hierdie liedjie is ‘n toonbeeld van die groei in my lewe,” verduidelik sy. “Elke seisoen bring unieke uitdagings en hoogtepunte, en hierdie liedjie is my manier om ander aan te moedig om hul eie drome na te jaag.”

Rhona is opgewonde oor die toekoms en beplan om voort te bou op die tema van “Leef Jou Rede” met nuwe musiek wat selfontwikkeling en inspirasie aanmoedig. Sy deel: “Ek hoop om ‘n kleurryke musiekloopbaan te hê wat blywende melodieë agterlaat. My grootste droom is om mense deur my musiek te inspireer.”

Rhona se deelname aan die Droomdag4-kompetisie, aangebied deur Vonk Musiek, het haar die platform gegee om hierdie droom te verwesenlik. “Hierdie geleentheid het my gehelp om my rede te leef,” sê sy. Sy hoop ook om met haar musiek ‘n spesiale rol te speel by vrouegeleenthede – om voete te laat dans en harte te laat bons.

Met “Leef Jou Rede” is Rhona van Niekerk op die punt om ‘n vars en inspirerende stem in die Afrikaanse musiekbedryf te word. Haar debuutliedjie is meer as net ‘n lied – dit is ‘n oproep tot aksie, ‘n herinnering dat dit nooit te laat is om jou rede te leef nie.

Besoek jou gunsteling digitale musiekplatform op 31 Januarie 2025 om “Leef Jou Rede” aan te skaf en saam met Rhona op hierdie reis te begin. Bly op hoogte van haar nuutste projekte deur haar op sosiale media te volg.

Geniet die liedjie op die platform van jou keuse – https://snd.click/eagn 

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die geliefde Suid-Afrikaanse kunstenaar, Stephan Visagie, stel op 24 Januarie 2025 sy nuutste enkelsnit, Soekers, vry op alle digitale platforms. Hierdie sielvolle lied is geïnspireer deur die eenvoud en misterie van ‘n verskietende ster en die magiese moontlikheid dat twee mense, sonder om van mekaar te weet, dieselfde wens kan maak – om mekaar te vind.

“Ek het een aand op my balkon gesit met ‘n koppie koffie in die hand, en ‘n verskietende ster gesien. Ek het gewonder: Wat as twee mense op daardie oomblik dieselfde wens maak – om mekaar te ontmoet – maar hulle weet nie van mekaar se bestaan nie? So het die idee vir Soekers ontstaan,” deel Stephan oor die inspirasie agter die lied. 

Met die tema van hoop en liefde, herinner Soekers luisteraars dat eensaamheid en hartseer slegs tydelik is. “Iemand daar buite voel dieselfde as jy, en dit is net ‘n kwessie van tyd voordat julle paaie kruis en alles beter lyk,” sê Stephan.

Die produksieproses was uitdagend, met talle aanpassings aan die lirieke, melodie en gevoel van die lied. Stephan het saam met Jade Storm, ‘n talentvolle vervaardiger, gewerk wat die nuwe wysie geskryf het. Die kitaaropnames en vokale is later in die Kaap deur Johan “Mossel” Fourie voltooi. Stephan beskryf die proses as ‘n “vloek en sweet werd” en meen die eindproduk sal luisteraars se harte en voete roer. 

Stephan hoop dat Soekers mense sal inspireer om aan liefde en hoop vas te hou – of dit nou deur dans, of deur ‘n wens op ‘n ster maak. Hy noem ook dat aanhangers in die toekoms kan uitsien na meer musiek, insluitend ‘n Engelse duet saam met Amoré wat vroeg in 2025 vrygestel sal word.

Met invloede uit die musiek van ikone soos Jan Blohm en Theuns Jordaan, skep Soekers ‘n unieke klank wat aanklank vind by ‘n wye gehoor. Stephan se groei as kunstenaar is duidelik sigbaar, aangesien hy homself uitgedaag het om nuwe kreatiewe grense te verken.

Soekers is nou beskikbaar op alle digitale platforms. Maak ‘n wens, draai die volume op en laat Stephan Visagie se klanke jou hart tref.

Geniet die enkelsnit op die platform van jou keuse – https://linktr.ee/stephanvisagie 

Facebook

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die Suid-Afrikaanse sanger en liedjieskrywer JohnJ het sy passie vir musiek diep in die harte van sy aanhangers geplant. Met die vrystelling van sy nuutste enkelsnit, “Hart Van ‘n Boer,” op 17 Januarie 2025, bring hy ’n emosionele huldeblyk aan die passie en opoffering van boere, wat dikwels as die ruggraat van die gemeenskap beskou word.

Volgens JohnJ is die liedjie ’n viering van die onblusbare gees van boere wat hul lewens wy aan hul grond en gesinne. “’n Boer gee sy hele lewe om sy plaas lewendig te hou en vol oorvloed. Hy gee bloed, sweet en elke stukkie van sy siel, maar meestal gee hy sy hart. Die metafoor dat ‘n boer se hart in die grond geplant is, som dit perfek op,” verduidelik hy.

Die liedjie dra ’n diepgaande boodskap oor wat dit werklik beteken om ’n passie te hê vir wat jy doen. “Dis nie net ’n werk nie; dit is ’n lewenswyse,” sê JohnJ. Hy hoop dat luisteraars geïnspireer sal word om hul eie harte in hul werk en lewenspassies te plant.

JohnJ het saam met ’n mede-bandlid aan die liedjie geskryf. “Hy kom van die Noord-Kaap, ’n area waar boerdery deel is van die alledaagse lewe. Ons het inspirasie geput uit die stories van boere wat hul hele harte in hul grond insit. Die proses was organies; die lirieke het hulself geskryf,” sê hy.

Die instrumentasie van “Hart Van ‘n Boer” is spesifiek gekies om die gehoor se emosies aan te raak. “Die musiek maak jou hart vinniger klop en laat jou opgewonde voel oor die lirieke. Dit bring ’n energie wat die hart van elke luisteraar tref,” voeg JohnJ by.

JohnJ vergelyk die manier waarop boere hul harte in hul grond plant met sy eie toewyding aan musiek. “Ek plant my hele hart in my musiek. Hierdie liedjie wys hoe ek as kunstenaar gegroei het en wat ek kan doen met my stem en instrumente. Dit reflekteer die ontwikkeling van my talent en die pad wat ek geloop het,” verduidelik hy.

Met “Hart Van ‘n Boer” hoop JohnJ om ’n saadjie in die harte van sy luisteraars te plant. “Ek wil hê mense moet besef waaroor boerdery regtig gaan – die passie, die opoffering, en die liefde vir die grond. Ek hoop dat die liedjie wyd versprei en dat die boodskap diep by mense aanklank vind,” sê hy.

JohnJ verseker aanhangers dat daar meer opwindende vrystellings in die toekoms is. “Daar is verseker ’n paar nuwe tunes op die horison – liedjies wat sal vassit in mense se gedagtes en harte.”

Bly ingeskakel “Hart Van ‘n Boer” sal op 17 Januarie 2025 op alle digitale platforms beskikbaar wees. Maak seker jy volg JohnJ op sosiale media om op hoogte te bly van sy jongste projekte en vrystellings. Laat hierdie treffende liedjie jou inspireer om jou eie hart in jou passie te plant.

Geniet die liedjie op die platform van jou keuse – https://linktr.ee/johnjofficial

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die geliefde Suid-Afrikaanse kunstenaar Arno Jordaan bring op 6 Desember 2024 sy nuutste enkelsnit, “Vêr Inni Wêreld Pietie,” na die wêreld – ’n vars spin op ’n ou Afrikaanse gunsteling wat beloof om nostalgie en goeie tye te laat herleef.

Hierdie tong-in-die-kies Desember-treffer is geïnspireer deur daardie een vriend wat almal van ons ken: die komiese Pietie. Hy is die ou wat altyd grappies uitlok, wil braai maar vergeet om vleis te bring, en ’n lekker kuier verkies—maar nie by sy eie huis nie! Met humor en warmte gee Arno erkenning aan hierdie unieke karakter, terwyl hy luisteraars aanmoedig om soms net soos Pietie te wees: minder bekommerd oor wat mense dink en meer ingestel op die lekker dinge in die lewe.

“Vêr Inni Wêreld Pietie” kombineer die nostalgiese klanke van die geliefde lied “Vêr Inni Wêreld Kittie” met moderne, aansteeklike melodieë wat ongetwyfeld in jou kop gaan vassteek. Saam met Kobie Koen van Vonk Musiek en Tertius Human van CoolerBox Studios, het Arno hierdie liedjie tot lewe gebring. Die keuse om hierdie FAK-treffer nuwe lewe te gee is nie toevallig nie – 2025 merk 100 jaar van Afrikaans, en Arno sien hierdie liedjie as die perfekte manier om dié mylpaal te vier.

“Dis net ’n lekker Desember-oorwurm,” sê Arno. “Ek wil hê mense moet hierdie liedjie kliphard speel in elke vakansiedorp, op elke strand, en langs elke braaivleisvuur. Dit gaan oor die goeie tye saam met vriende en familie, en miskien ook oor om minder ernstig oor die lewe te wees.”

Hierdie snit, met sy aansteeklike ritme en treffende lirieke, weerspieël Arno se vermoë om musiek te skep wat beide vermaak en blywend byval vind. Dit is ’n viering van vriendskap, humor, en die eenvoud van lekker tye.

Laai “Vêr Inni Wêreld Pietie” vanaf 6 Desember 2024 af op alle digitale platforms en maak seker dit is deel van jou Desember-speellys.

Vir meer inligting, besoek Arno se sosiale media platforms en bly ingeskakel vir opwindende nuus oor sy musiek in 2025!

Geniet die liedjie op die platform van jou keuse – https://linktr.ee/arnojordaan 

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die legendariese Suid-Afrikaanse kunstenaar Nicholis Louw is terug met ‘n splinternuwe dansliedjie wat verseker die partytjie aan die gang gaan hou! Sy jongste enkelsnit, “Oents Oents Oents”, tref digitale platforms op 6 Desember 2024 en bring daardie kenmerkende Nicholis-klank wat sy aanhangers deur die jare leer ken en liefhet.

Nicholis deel dat die inspirasie vir die liedjie jare gelede begin het toe sy vrou, toe nog sy meisie, op Facebook geskryf het: “Oents Oents Oents,” in verwysing na die opwindende ritme van dansmusiek. “Ek het toe al geweet ek wil iets met daardie idee doen, maar die regte melodie en struktuur het eers vanjaar na my toe gekom,” sê Nicholis. Nou, na 21 jaar in die bedryf, voel hierdie liedjie soos ‘n perfekte samekoms van sy ervaring en kreatiwiteit.

“Oents Oents Oents” is nie bedoel om diep of nostalgies te wees nie – dit gaan oor lekkerkry en die speelse verhouding tussen verliefdes. “Dis ‘n liedjie wat jy saamsing, saam dans, en sommer net geniet. Ek hoop mense kan hulle net laat gaan en die ritme omarm,” sê Nicholis.

Met meer as twee dekades van musiek-ervaring, bring hierdie snit die klassieke Nicholis Louw-klank na vore, gevul met energieke melodieë en lirieke wat aanhangers dadelik sal herken. Nicholis verduidelik dat die uitdaging altyd is om die regte idees bymekaar te bring en in balans te hou – ‘n proses wat kreatiwiteit en toewyding verg.

Nicholis en Robin Kielly het saam geskryf aan die liedjie en is nie net geïnspireer deur sy vrou nie; dit is eintlik heeltemal aan haar opgedra. Met ‘n knipoog sê Nicholis: “Sy is die muse, en dit maak die liedjie vir my ekstra spesiaal.”

Met die ondersteuning van VONK Musiek en ‘n hart vol nuwe idees, belowe Nicholis dat “Oents Oents Oents” net die begin is. “Daar is nog baie musiek wat kom, en ek sien uit om hierdie reis saam met my aanhangers voort te sit.”

Maak seker jy voeg “Oents Oents Oents” by jou gunsteling-speellys en deel in die vreugde en energie wat net Nicholis Louw kan bring. Kom dans saam op hierdie unieke treffer wat die somer skitterend afsluit!

Geniet die enkelsnit op die platform van jou keuse – https://linktr.ee/nicholislouw

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Suid-Afrikaanse kunstenaar en liedjieskrywer WG Nel is terug met sy nuutste enkelsnit, Sewe Sakke Sout, wat op 29 November 2024 op alle digitale platforms vrygestel is. Hierdie kontemporêre Afrikaanse liedjie bied luisteraars ’n melodiese kombinasie van slagspreuke en stylvolle produksie, wat dit perfek maak vir enige Vrydagaand by die braaivleisvuur.

WG deel dat Sewe Sakke Sout oorspronklik begin het as ’n eenvoudige stemnota met ’n refrein wat maande lank gestoor was. Die inspirasie het uiteindelik na vore gekom tydens ’n kreatiewe skryfgeleentheid net voor sy ateljee-opname. Die lied het vinnig ’n gunsteling geword en is sonder twyfel in die ateljee gekies om te voltooi.

Die tema draai om die begeerte na iemand wat soos ’n handskoen pas – spesifiek ’n “boerenooi” wat ’n man soek wat sy man kan staan. Hoewel die storie fiktief is, verbind WG die tema aan die universele begeerte na aanvaarding en vervulling in verhoudings.

Met Tertius van Coolerbox Studios aan die stuur van die produksie, beskryf WG die proses as “seep glad.” Hy bewonder Tertius se kreatiwiteit wat sy musiek na die volgende vlak bring. Die snit bly getrou aan ’n kontemporêre Afrikaanse klank, met subtiele elemente wat daarop bou en luisteraars ’n vars, maar herkenbare ervaring bied.

Elke nuwe liedjie is vir WG ’n geleentheid om homself te verbeter. Hy glo aan klein stappies vorentoe, en Sewe Sakke Sout weerspieël sy toewyding aan kwaliteit en sy vermoë om met elke projek sy kunstenaarskap te verfyn.

WG hoop dat die liedjie die “go-to”-snit word voor ’n braaivleisvuur op Vrydae en Saterdae. Sy wens is dat luisteraars aanklank vind by die eenvoud van menswees – dat ons almal dieselfde behoeftes en begeertes deel.

Die span agter Sewe Sakke Sout het die projek spesiaal gemaak, met Vonk Musiek, Coolerbox Studios, en Salty Socials wat almal betrokke was by die produksie en musiekvideo. Dit is WG se eerste samewerking met sommige van die span, en hy is opgewonde oor die pad vorentoe.

WG is tans besig met beplanning vir toekomstige vrystellings, musiekvideo’s en vertonings. Hy belowe dat daar meer musiek op pad is en nooi aanhangers uit om saam met hom die reis te geniet.

Luister Sewe Sakke Sout vandag en voeg dit by jou gunsteling Afrikaanse speellys! Beskikbaar op alle digitale platforms.

Geniet die liedjie op die platform van jou keuse – https://linktr.ee/wgnel

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Suid-Afrika se bekroonde kunstenaar, Andriëtte, het haar nuwe enkelsnit Afrikaans Het Nie Brieke Nie op 22 November 2024 vrygestel op alle digitale platforms. Hierdie opwindende nuwe lied is ‘n viering van alles wat Afrikaanse kultuur en taal so uniek maak.

Afrikaans Het Nie Brieke Nie is die perfekte lied vir mense wat trots is op hulle taal en kultuur. Andriëtte vertel dat die liedjie ontstaan het uit haar eie liefde vir Afrikaans, met die idee om die oneindige moentlikhede van die taal en sy ryk kultuur te vier. “Ek is Afrikaans, en ek het ‘n passie vir my taal. Ek wil daardie trots en energie met ander deel,” sê sy. Die lied is bedoel om mense op te hef, hulle te laat dans, lekker te braai, en eenvoudig weer te herinner aan die wonder van Afrikaans wees.

Die lied is geselskap van die legendariese liedjieskrywer en produsent Emil Struwig, wat saam met Andriëtte aan die skryf van die snit gewerk het. “Ek het vir Emil paar idees en lirieke gegee, en hy het die musiek gebou,” vertel Andriëtte. “Saam het ons die liedjie geskaaf totdat dit die perfekte klank gekry het.” Die lied het ‘n lekker country invloed, iets wat Andriëtte vroeër al gereeld van haar aanhangers gehoor het. “Country is groot nou, en ek wou daardie element insluit. Almal vra al lank wanneer ek die genre in my musiek gaan inbring, en ek is bly ek het die kans gekry.”

Die lied reflekteer Andriëtte se eie groei as kunstenaar en persoon. “Ek is op ‘n punt waar ek nie meer bekommerd is oor opinies nie. Ek wil net musiek maak wat vir mense regtig iets beteken,” sê sy. En dit is duidelik in die vrolike en aansteeklike toon van Afrikaans Het Nie Brieke Nie. Die lied is nie net bedoel om mense te laat dans nie, maar ook om daardie trots vir Afrikaans in mense se harte te hernu. “Ek wil hê mense moet luister en voel: Afrikaans het nie brieke nie. Dit moet hulle voete laat jeuk en hulle harte vul met trots,” voeg sy by.

Met die einde van die jaar in sig, is Andriëtte opgewonde om hierdie lied as ‘n geskenk vir haar aanhangers te deel. “Ek wil hê almal moet lekker gaan vakansie hou met hierdie lied, en die nuwe jaar bring baie nuwe musiek – Andriëtte het nie brieke nie!” sê sy met ‘n glimlag.

Volg Andriëtte op haar musiekreis en geniet Afrikaans Het Nie Brieke Nie wat op alle digitale platforms beskikbaar is.

Geniet die enkelsnit op die platform van jou keuse – https://vyd.co/AfrikaansHetNieBriekeNie 

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Op 8 November 2024 bring Logan Pietersen sy nuutste enkelsnit, “Nie Nou Nie,” uit – ‘n lied wat diep in die hart klop en spreek tot temas van liefde, onsekerheid, en die stryd om reg te laat geskied in die lewe. Pietersen, bekend vir sy eerlike lirieke en rou emosie, sê dat die lied uit sy eie lewenservarings spruit, spesifiek uit die pyn en vreugdes van ‘n verhouding waarin hy sy alles gegee het, terwyl die ander kant minder toegewyd was. Hy verduidelik: “In verhoudings waar iemand 100% gee en die ander persoon nie, voel dit soos ‘n geveg tussen jou hart en verstand – en dit is die storie wat ek in ‘Nie Nou Nie’ probeer vertel.”

Die lied, wat deur die talentvolle vervaardiger Tertius Human by CoolerBox Studio’s geproduseer is, is gebou op ‘n sterk melodie en diepgaande akkoordstrukture wat die gehoor se siel raak. “Dit was maklik om te skryf, want die emosie was rou en reguit daar – die musiek het my soos altyd gedra,” sê Pietersen. “Dis ‘n lied oor daardie tye wanneer die lewe antwoorde vra, maar ons nie reg is om dit te gee nie. Dit speel soos ‘n skaakspel tussen hart en verstand.”

Met lirieke soos:

“Daar was ‘n pad op ‘n tyd wat ek gestap het in my lewe,
Hoe ek daar beland het weet ek nie, maar daar was ‘n rede.
Nou’s dit sewe maande later, en die duiwel draai hier rond,
Ek sukkel om als te verstaan, wat het ek eintlik nog hier oor?”

…raak Pietersen aan die universele ervaring van selfondersoek en die onontkombare verleidelikhede wat ons verhoudings toets. Hy beklemtoon die belangrikheid daarvan om iemand se hart en emosies nie ligtelik op te neem nie, aangesien onsekerheid een van die swaarste emosies is om te dra – ‘n gevoel wat, wanneer dit op ‘n opregte persoon geplaas word, diep wonde kan laat. “Verliefdheid is een van die sterkste, mooiste emosies, maar dit maak mens ook baie kwesbaar en soms ‘dom,’” voeg hy by. “Ek sing, ‘En die duiwel draai hier rond,’ want verleiding en ontrouheid is orals, en dit neem net een klein oomblik om iets kosbaar te vernietig.”

Die musiekvideo vir “Nie Nou Nie” is iets waarna aanhangers kan uitsien. Sonder om te veel te verklap, sê Pietersen dat die video met subtiele simboliek werk om die konsepte van versoeking en selfrefleksie uit te beeld. Hy verduidelik: “Ek wil wys, nie net sing nie, wat ek voel in hierdie lied. Ek sien uit na die publiek se reaksie op my nuwe werk, en die lied is ook ritmies geskik om saam te dans.”

As ‘n laaste knipoog voeg Pietersen humor by: “En asseblief, kinders en mans – moet nie die liedjie se titel gebruik as ‘n verskoning wanneer julle ma of vrou vra om iets rondom die huis te doen nie!”

“Nie Nou Nie” is ‘n diep introspektiewe en passievolle toevoeging tot Pietersen se repertoire, en beloof om diep emosies by sy luisteraars aan te wakker.

Geniet die album  op die platform van jou keuse –  https://vyd.co/NieNouNie 

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die Suid-Afrikaanse sanger en liedjieskrywer, Zaan Sonnekus, deel sy nuutste enkelsnit, “Oor Jou,” wat op 8 November 2024 op alle digitale platforms vrygestel is. Die liedjie bied ’n intieme blik op die verlange en die pad wat elke kunstenaar soms moet stap, tussen die avontuur van die verhoog en die heimwee na dié vir wie hy die liefste is.

“Oor Jou” is geïnspireer deur ’n sonsondergang wat Zaan en sy band gesien het op pad na ’n vertoning. Zaan se band bestaan uit Duard Musk op bass kitaar, Kyle Botha op elektriese kitaar, Luke Smith op die klawerbord en Rex Maree op die tromme en hulle elkeen voeg by tot die ongelooflike optredes waarvoor Zaan so bekend is. 

Die reis na elke nuwe stad en verhoog bring vreugde, maar kan ook ’n gevoel van verlange teweegbring. “Om shows te speel, is vir my die beste ding in die wêreld,” vertel Zaan. “Maar die pad kan soms lank en krom raak. Dis dan wanneer jy besef hoeveel jy die mense mis vir wie jy die liefste is, al is jy net ’n paar dae weg.” Hierdie diep verlange en die impak van die “pad-lewe” het Zaan in sy lirieke ingeskryf, wat elke luisteraar se hart sal raak.

Die skryfproses vir “Oor Jou” is ’n refleksie van Zaan se kreatiewe roetine. Tydens lang ritte na shows tik hy gereeld woorde in sy notas op sy foon, of neem hy idees op in stemnotas. Die idee vir hierdie lied het presies so na vore gekom na ’n vertoning in Bloemfontein. “Al die liedjies wat ek skryf, is ’n klein blik op wie ek is,” verduidelik Zaan. “En ‘Oor Jou’ is veral persoonlik – dis ’n verlange wat in kontras staan, en die woorde ‘Ek is oor jou, al gaan alles steeds oor jou’ weerspieël dit perfek. Die verlange is intens, selfs as alles steeds om daardie persoon draai.”

Zaan hoop dat die luisteraars hulle eie stories en gevoelens in die liedjie sal ontdek. Deur sy lirieke eindig hy sommige gedagtes met ellipses, wat beteken die luisteraar word genooi om die res van die storie in te vul. Dit is hierdie universele menslike emosie wat “Oor Jou” so treffend maak, want die pad van ’n kunstenaar is nie altyd maklik nie. “Ek sou elke dag weer die musiekbedryf kies,” sê Zaan, “maar dit is nie so maklik soos wat mense dink nie. Ek skryf liedjies oor jou, terwyl ek op die pad is.”

“Oor Jou” is nou beskikbaar op alle digitale platforms, en luisteraars kan uitsien na nog vertonings waar Zaan en sy band hierdie emosioneel-gelaaide liedjie met passie sal lewer.

Geniet die enkelsnit op die platform van jou keuse –  https://vyd.co/OorJou 

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die geliefde Suid-Afrikaanse kunstenaars, Riaan Grobler en Jomari, stel Vrydag, 25 Oktober 2024, hulle jongste enkelsnit, “Moskonfyt”, vry op alle digitale platforms. Hierdie danstreffer is die titelsnit van hul nuutste album, wat ook “Moskonfyt” genoem word. Die album bestaan uit 12 liedjies wat elkeen ’n unieke klank en storie meebring.

“Moskonfyt” is meer as net ’n vrolike danstreffer – dit is ’n verhaal wat regte mense en hul lewensreis verewig. Die liedjie is geïnspireer deur die egpaar, Elsie en Quentis, en hul unieke liefdesverhaal. Jomari het hulle gevra of sy en Riaan ‘n liedjie mag vervaardig oor hul verhaal, en hulle het met liefde ingestem. Die resultaat is ’n tong-in-die-kies liedjie wat die luisteraars met sy speelse energie en aansteeklike ritme sal meevoer.

Vir Riaan is “Moskonfyt” nie net ’n liedjie om op te dans nie, maar een wat diep konneksies vorm deur sy lirieke en storievertelling. Hy beskryf die liedjie as ’n “lekker danstreffer” wat mense aanmoedig om saam te sing en hulself heeltemal oor te gee aan die vrolikheid daarvan. Dit verteenwoordig die eenvoud en vreugde wat in die klein oomblikke van die lewe gevind kan word.

Die album, “Moskonfyt”, is ‘n mengsel van ligte, energieke danselemente en diep, betekenisvolle ballades. “Ons wou iets skep wat mense aanmoedig om te dans, maar wat hulle ook op ‘n nostalgiese reis neem,” sê Riaan. Die album sluit liedjies in soos “Hartklop Van Suid-Afrika”, “Boonste Rak Beautiful” (met Leon Ferreira), “Twee Harte” en “One Day At A Time”. Daar is ook gunstelinge soos “Toe Val Ek Weer” en “’n Dag Sonder Jou”, wat reeds as enkelsnitte vrygestel is.

“Moskonfyt” is nie net ’n album vir dansvloere nie; dit bevat ’n verskeidenheid klanke wat luisteraars op ’n reis van herinneringe, liefde en hoop neem. Riaan en Jomari het met hierdie album daarin geslaag om ’n balans te vind tussen treffende danselemente en die emosionele diepte van country- en balladestyl musiek. Met die mooiste lirieke wat die hart raak en die energie van liedjies wat jou voete laat beweeg, is “Moskonfyt” die perfekte metgesel vir enige musiekliefhebber.

Met hierdie versameling van uiteenlopende musiekstyle en temas, hoop Riaan en Jomari dat die publiek nie net sal dans nie, maar ook ’n diep emosionele reis sal ervaar.

“Moskonfyt” is nou beskikbaar op alle digitale platforms – ’n moet vir elke musiekversameling!

Geniet die album op die platform van jou keuse – https://vyd.co/Moskonfyt 

 

Sosiale Media – Riaan Grobler & Jomari

Riaan Grobler:

Facebook Instagram Tiktok

Jomari:

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za

Die talentvolle Suid-Afrikaanse kunstenaars, Zoé het saam met die bekroonde Zaan Sonnekus kragte gesnoer om hul jongste enkelsnit, “Klein Dorpie Mentaliteit”, vry te stel. Hierdie roerende liedjie, geïnspireer deur werklike gebeurtenisse, duik diep in die uitdagings en emosies wat dikwels in klein gemeenskappe ontstaan wanneer stories vinnig versprei en wantroue wortel skiet.

Volgens Zoé is die liedjie gebore uit ‘n baie persoonlike ervaring wat sy in haar klein tuisdorpie gehad het. Terwyl sy baie liefde vir haar dorpie het, is sy diep geraak deur die manier waarop stories soos ‘n “telefoontjiespeletjie” oorgedra word, dikwels heeltemal verdraai. In 2022 het sy haar inspirasie begin put uit haar verhouding met ‘n man wat sy liefgehad het, en het sy verskeie liedjies rondom daardie ervaring geskryf. Een van daardie liedjies was “Lief Hê”, wat die begin van hierdie emosionele reis weerspieël.

Die liefdesverhaal het egter ‘n donkerder draai geneem toe sy vermoed het dat hierdie man haar verneuk het met haar beste vriendin. So is “Crazy Meisie” toe ontgin in hierdie tyd van onsekerheid en vantroue. Hierdie vermoede het later waar geword, en die intense emosies wat daarmee saamgegaan het, het gelei tot die laaste lied in haar trilogie, “Klein Dorpie Mentaliteit”. Soos Zoé verduidelik, is die liedjie ‘n weerspieëling van die pyn en verlies wat sy ervaar het, nie net van die geliefde nie, maar ook van vriende wat kante gekies het.

Vir Zoé was “Klein Dorpie Mentaliteit” ‘n afsluiting van ‘n moeilike tydperk in haar lewe. Sy het in 2022 aan die liedjie begin werk, maar het gesukkel om dit af te rond. In Maart 2023 het sy ‘n klavieropname gemaak en dit vir Zaan Sonnekus gestuur met die hoop dat hy saam met haar die liedjie sou voltooi. Tot haar verbasing en vreugde, was Zaan dadelik entoesiasties oor die liedjie, en het hy binne 15 minute sy vers geskryf.

“Die emosionele konneksie wat ek met hierdie lied het, het oor die jare verander,” sê Zoé. “Aanvanklik het elke woord soos ‘n mes gevoel, maar nou voel dit soos ‘n afsluiting van my ou self.” Sy is dankbaar dat Zaan, een van haar gunsteling kunstenaars en vriende, saam met haar aan hierdie projek gewerk het.

Hoewel die liedjie self nie ‘n diepgaande boodskap dra nie, erken Zoé dat dit veral aanklank sal vind by enigiemand wat al in ‘n soortgelyke situasie was. “Die liedjie sê basies: ‘Hey, moenie op mense verneuk nie!’ Dit is ‘n stuk waarin mense wat deur verraad gegaan het, hulself kan herken,” sê sy. Zoé voeg by dat sy hoop om mense te inspireer om te besef dat hulle sterker as hul pyn is en dat dinge wel beter sal raak.

“Na ‘n jaar of twee sal jy terugkyk en besef hoe baie jy gegroei het. Jou vyande sal die oorlog verloor voor jy selfs ‘n kans kry om te skiet.”“Klein Dorpie Mentaliteit” is beskikbaar vanaf 18 Oktober 2024 op alle digitale platforms. Maak seker om dit nie te mis nie!
Geniet die enkelsnit op die platform van jou keuse – https://vyd.co/KleinDorpieMentaliteit

Sosiale Media – Zoé

Facebook Instagram Tiktok

Sosiale Media – Zaan Sonnekus

Facebook Instagram Tiktok

PUBLISITEIT & BEMARKING:

Vonk Musiek

Kyra Grobler

Sel: 072 107 0069

E-pos: kyra@vonkmusiek.co.za

E-pos: pr@vonk.co.za 

PLATEMAATSKAPPY:

Vonk Musiek

Francois Roux

Tel: 011 823 1771 / 061 312 2160    

E-pos: francois@vonkmusiek.co.za 

Webwerf: www.vonkmusiek.co.za