Terwyl hy as kind sorgelose dae op Plettenbergbaai gehad het, het Christiaan reeds geweet dat hy eendag ‘n musiekloopbaan wil volg. Ná skool het hy by die Jazz Workshop in Kaapstad gaan studeer waar hy ook sy opleiding in klankingenieurswese gedoen het.
En tussendeur het hy vurig begin skryf aan sy eie repertoire liedjies.

Nadat hy sy studies voltooi het, het Christiaan saam met musikante soos Gerrie Pretorius, Wynand Strydom, Ritza en Jakkie Louw begin werk. Hy het gespesialiseer in session kitaar en as agtergrondsanger. Hy het ook vir verskeie kunstenaars hul demonstrasie CD’s by sy ateljee tuis opgeneem.  

En toe kom kykNET se Idols en die res, is soos hulle sê, geskiedenis.